ភ្នំពេញ៖ មន្រ្ដីយោធាចំនួន ២នាក់ នៅអគ្គបញ្ជាការដ្ឋានកងយោធពលខេមរភូមិន្ទ ត្រូវបានលុបឈ្មោះចេញពីក្របខណ្ឌ ដោយសារតែពាក់ព័ន្ធនឹងការប្រើប្រាស់គ្រឿងញៀន។
សេចក្តីសម្រេចចុះថ្ងៃទី២៥ ខែកញ្ញា ដែលសារព័ត៌មានទើបទទួលបាននៅថ្ងៃអង្គារ ទី៣ ខែតុលានេះឱ្យដឹងថា មន្រ្ដីយោធាចំនួន ២រូបនោះ ម្នាក់ជានាយទាហាន និងម្នាក់ទៀតជា នាយរងក្រុម១ អនុសេនាតូចការពារនិង បម្រើការ នៅអគ្គបញ្ជាការដ្ឋានកងយោធពលខេមរភូមិន្ទ ត្រូវបានដកចេញ ដោតយមូលហេតុ ប្រើប្រាស់ដោយខុសច្បាប់នៅសារធាតុញៀន។
គួរឱ្យដឹងដែរថា យោងតាមសេចក្តីសម្រេចចុះហត្ថលេខាដោយ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ លោក ទៀ សីហា កាលពីថ្ងៃសុក្រ ទី២៩ ខែកញ្ញា ឆ្នាំ ២០២៣នេះ បានសម្រេចលុបឈ្មោះ វរសេនីយ៍ត្រី ពោន ធា គ្រូបច្ចេកទេសថ្មើរជើង សាលានាយទាហានសកម្ម៕
